Tuesday, March 13, 2007

Амьдрал нулимсанд дургүй

Найруулагч Владимир Меншовын 1975 онд бүтээгдсэн уг кино өдгөө ч утга учираа алдаагүй хэвээр л байна. 1981 онд Оскарын Шилдэг гадаадын кино (Best Foreign Language Film) шагналыг хүртсэн уг кинонд гурван найз бүсгүйн өөр өөр амьдралыг өгүүлдгийг хэн бүхэн андахгүй сайн мэдэх учраас би дахин дурдаад байх нь илүүц биз.

Уг киног кино шүүмжлэгчид маш их шүүмжлэдэг гэдэг. Учир нь уг кино тухайн үеийн нийгмийн сэтгэлзүйд асар ихээр нөлөөлсөн бөгөөд нөхрөөсөө салж өрх толгойлсон эмэгтэйчүүдийн бүхэл бүтэн "армийг" бий болгосон гээд бодохоор уг кино тэр чигээрээ бодит амьдралыг тусгаж, өгүүлж буй санаа нь ямаршуу жинтэй байсныг гэрчлэх бизээ.

Тийм ч болохоор энэ кинонд би ч мөн адил маш их дуртай, сэтгэл санаа тиймхэн ч юм уу амьдралдаа сэтгэл ханамжгүй болсон үедээ байс хийгээд л үздэг юм. Ялангуяа эхний ангийн төгсгөл хэсэг дэхь Катягийн хүүхэдтэй болж үлдэж буй, дараагийн анги дахь Гоша Катя хоёрын вагонд танилцдаг, бас тэр Гоша Александрагийн найз залууг өмөөрч хэдэн залуустай зодолддог, Гошагийн найзуудтай салхинд гарч шорлог хийдэг хэсэг гээд л дуртай дуртай...

Амьдрал 40 хүрч байж дөнгөж эхлэдэг гэсэн үгийг харуулсан, хүнд хэцүү амьдралаас тэмцэн байж гарч ирсэн Катягийн, жинхэнэ эр хүн гэж ямар хүн байдгыг илтгэдэг Гоша хоёрын дүрд хайртай байдаг юм.

Тиймээс ч сүүлийн үед "кайф авах төдий" гэмээр ч юмуу Холливудын хийсвэр кинонуудын шуурганд дарагдаад буй үед энэ киног бас үзэж байгаарай гэж бяцхан сануулах үүднээс энэхүү ядмаг бичлэгийг бичиж байна л даа.

Тиймээ, амьдрал хэзээд нулимсанд дургүй. Амьдрал зөвхөн тэмцэгчдэд, ялагчдад л дуртай байдаг.

www.on-air.mn/cinema/ (Эх хэлээр)
www.on-air.mn/cinema/ (Эх хэлээр)
IMDB

5 comments:

Anonymous said...

gaihaltai kino. aidraliin bayr baysgalang urgelj sanuulj baidag. bayrlalaa

Anonymous said...

Heden ch udaa uzsen uidhaargui uneheer goy kino shuu! WOW

Terry said...

Үнэхээр гайхалтай кино. дээрийн гоё хэсгүүдээс гадна надад их таалагддаг нь сүүлд нь Гоша алга болоод тэрний араас явсан залуу хоёрын уулзаж байгаа архиж ууж байгаа тэгээд дараа нь хоёулаа цуг ирж байгаа хэсэг нь. тийм биз хэхэ

Anonymous said...

Minii bodloor amidral nulimsand durtai! Xun l NULIMSAND DURGUI!

S. B. said...

гоё кино. гэхдээ би өнгөрсөн жил л бүрэн эхээр нь үзсэн байх. орос хэл дээр нь найзаасаа олж аваад үзэж байсан санагдана.