Sunday, February 11, 2007

Wallace & Gromit

Дээхнэ би хэзээ нэгэн цагт монголын гэсэн хүүхэлдэйн кино, компьютер тоглоом гаргадаг багтай болно гэж бичсэн. Тэгээд ч ер нь багын л хүүхэлдэйн кино, үлгэр эдэрт учиргүй дуртай л даа. (Орос ах нар Буратиногоо дахин шинэ хувилбараар хийдэггүй л юм байхдаа, тээ)

Stop Motion Animation
Хүүхэлдэйн киноны төрөлд stop motion animation буюу гараар хөдөлгөдөг дотроо утсан үе бүхий хүүхэлдэйтэй нэгэн төрөл бий л дээ. Манай ганц хүүхэлдэйн студи болох Боролдой маань ийм төрлийн нилээд хэдэн хүүхэлдэйн киног бидэнд үлдээсэн байгаа: Шаазан зааны үлгэр, Өнчин ботго, Эрх цагаан ишиг эдэр гээд даавуу, баримал шаваран аргаар хийсэн.
(Эрх цагаан ишгийг youtube-д оруулчихсан байна лээ)

Ийм хүүхэлдэйг бүтээхдээ хөдөлгөөний явц тус бүрээр уг хүүхэлдэйнүүдийн гар хөл, ам зэргийг хөдөлгөж тухай бүрт зургыг фото аппаратаар авна. Дараа нь ур зургуудыг эвлүүлэн дээр нь нэмж үүл, ус, гэрэл, визуаль эффект зэргийг оруулж дуу оруулалттай нэгтгэн эцсийн хүүхэлдэйн кино бэлэн болгоно. Гэхдээ энэ нь маш нүсэр хөдөлмөр байгаа юм. 1 секундын үйл явцыг бүтээхийн тулд дор хаяж 15 зураг, дээд тал нь 24 зураг авах жишээтэй. Кино бүтэн 1 цаг гаруй үргэлжилнэ гээд бодвол таньд төсөөлөгдөж буй байх. Хэдийгээр 3D график боловсруулалтаар бүтээсэн хүүхэлдэйн кино нь илүү хялбархан мэт боловч энэ нь ихээхэн хийсвэр орчин юм. Өөрөөр хэлбэл хиймэл бүтээмж. Харин stop motion бол үүний эсрэг зүйл: илүү бодит. Кинонд гол үүрэг гүйцэтгэдэг гэрэл нь л гэхэд байгалын буюу бодит гэрэл. Ийм болохоор 3D хүүхэлдэй ихэд цэвэрхэн харагддаг, stop motion бол илүү амьд мэт сэтгэгдэл над төрдөг.
Энэ төрөл нь компьютерийн үүсч хөгжөөгүй дээхнэ үед хүүхэлдэйг хийх гол арга хэрэгсэл байсан ба өөр томоохон төрөл нь зураган хэлбэр буюу Walt Disney, Mickey Mouse гэхээр ойлгомжтой бизээ.

Wallace & Gromit
Сүүлийн үед энэ төрөлдөө үнэнчээр байж үзэгчдийг байлдан дагуулж байгаа нь Aardman Studios-ын кино бүтээгч болох Nicholas Park нарын алдарт Chicken Run, Wallace & Gromit гэх мэт бүтээлүүд юм.
Wallace нь бяслагт дуртай, элдэв техник шинэ бүтээл зохион бүтээж суудаг ганц бие цагаахан эр бөгөөд түүний гэрийн нохой
Gromit нь сонин уншдаг, басхүү техник элдэв зүйлст авъяастай, тусч цайлган сайн нөхөр нь юм.

Эдгээр цувралуудыг үзэж байхад үнэхээр хөгжилтэй агшинуудыг бидэнд бэлэглэх болно.
Тиймээс ч уг хоёр маань үе, үеийн хүүхэд залуусын үзэх дуртай, шинэ цувралыг нь хүлээх дуртай түүх болох бизээ.





Wallace & Gromit цувралуудаас гэвэл:
-A Grand Day Out (1989), won BAFTA Best Animated Film, nominated for Academy Award for Best Short Film, Animated
-The Wrong Trousers (1993), won BAFTA Best Animated Film, won Academy Award for Best Short Film, Animated
-A Close Shave (1995), won BAFTA Best Animation Film, won Academy Award for Best Short Film, Animated
-Wallace & Gromit: The Curse of the Were-Rabbit (2005)

Эх хэл дээр эдгээр хүүхэлдэйг үзэхээр бол http://www.on-air.mn/cinema/

Links : Reuter News

Тун удахгүй бидэнд өөрсдийн гэсэн хүүхэлдэйн бүтээл, түүх гарч иртэл эдгээрийг үзэцгээж байя даа ;)

6 comments:

Badka said...

Өөрийн чинь блогыг анх удаа уншжага нь энэ. Голдуу киноны талаар бичэд байх шиг байна найруулагч уу эсүл болохыг хүсэгч үү.
Би саяхнас блог бичиж эхэлжага болохор одоогоор хүмүүсийн блог хаягнудыг цуглуулжийн.
Ингээд нэгээр нэмэгдлээ

Chime said...

Энэ хүүхэлдэй чинь тэхдээ 1 жилийн өмнө билүү гарчихсан ш дээ. Ихэнх хүмүүс үзчихсэн байхөө. Би энэ төрлөөр хийсэн хүүхэлдэйнд дуртай л даа.
Ер нь cartoon animator мэргэжилтэй болох сонирхолтой. Төстэйдүү мэргэжилээр сурах гэж төлөвлөж байгаа хэхэ

Anonymous said...

nuhduud bicheed l baina uu ? mongold irsen bish ahui ene ter geed internetees holdoh shinjtei shuu... za tegj baigaaad asuudlaa tsegtsleed irheer bloguudaa tuvhnuulnee. ah yes, zav garhaaraa temdeglelshuu yum hutluud bgaa uhaantai, teriigee ch oruulya..


Khulgu

Эрхэмээ said...

Харин тийм. Би гэж күн хар багаас иймэрхүү хүүхэлдэйд маш дуртайг ч хэлэх үү. Хүүхэдтэй болохоороо хамт суугаад л үзээд байх юм шиг байгаан.

Хөлгөө монголд ирээд "соёл ахуйн өөрчлөлтөд" өртөөд хэцүү байгаа байхдаа.. Удахгүй дасах байхаа хө :D

Beck said...

Одоо сүүлийн үед гарч байгаа бүх Cartoon их дажгүй байгаад байгаа шүү...
The Simpsons Movie удахгүй нээлтээ хийхгээд сайхан байнаа ...

Anonymous said...

стоп моушн төрлийн кинонууд надад 3d ээс илүү санагддаг.гэхдээ хүмүүс энэ аргыг үеээ өнгөрөөсөн гэж ярьдаг.Би Тим Бартоны Корпс Брайд бас Nightmare before christmas зэрэг бүтээлүүдэд нь дуртай.Бидний мөрөөдөл ижил юм байна.Чамд амжилт хүсииии.б